Lyn Sharratt yn darparu Eglurder – Datganiad i'r Wasg

Ar Fehefin 13eg roedd Staff, Myfyrwyr a Llywodraethwyr Ysgol Rhiwabon yn falch o groesawu Dr Lyn Sharratt, Prifathrawon Wrecsam a staff uwch fel rhan o Gynhadledd Addysgu a Dysgu yn yr ysgol.

Mae Dr Lyn Sharratt wedi'i lleoli ym Mhrifysgol Toronto yng Nghanada ac mae hi wedi bod yn arwain Prosiect Dysgu Cydweithredol yng Nghymru, yn seiliedig ar ei hymchwil byd-eang a'i llyfr 'Clarity', What Matters most in Learning, Teaching and Leading, Corwin , 2019.

Roedd ei hymweliad ag Ysgol Rhiwabon yn gyfle iddi gwrdd ag Arweinwyr o bob rhan o Wrecsam a’r rhanbarth lleol, ac ar draws pob awdurdodaeth yng Nghymru, i drafod sut mae ei gwaith wedi cael ei roi ar waith mewn ysgolion yn ystod y tair blynedd diwethaf.

Yn ystod y dydd dangosodd ei syniadau am Deithiau Cerdded a Sgyrsiau Dysgu. Bu hi, ynghyd ag ymwelwyr eraill â’r ysgol, yn ymweld ag wyth ystafell ddosbarth ac yn edrych ar sut mae ei syniadau wedi cael eu datblygu yn Ysgol Rhiwabon. Cafwyd trafodaeth fanwl wedyn a bu ysgolion yn cydweithio i rannu eu gwaith a'u syniadau.

Dywedodd Mrs Melanie Ferron Evans, Pennaeth,

''Roedd yn fraint cael croesawu Dr. Lyn Sharratt yn Ysgol Rhiwabon ac iddi weithio gyda chydweithwyr yn ardal Wrecsam i ddathlu syniadau addysgu a dysgu rhagorol. Roeddwn yn falch iawn o’r croeso a gafodd Lyn gan ein myfyrwyr a’n staff.
Rydym hefyd wrth ein bodd ei bod yn bwriadu defnyddio peth o'r gwaith o'n hysgol yn ei chyflwyniad ymchwil yn y dyfodol a chyhoeddiadau byd-eang''.